Жетісу көркемі

⚜️Бүгін кітапханамызда Жетісу облысының мәдениет, архивтер және құжаттама басқармасы мен және Janr Жетісу әдеби клубының ұйымдастыруымен «Жетісу көктемі» атты прозашылардың республикалық байқауының марапаттау рәсімі өтті.

⚜️Байқау әр жылда әр түрлі мерейтойлар мен айтулы оқиғаларға арналып, прозаның әр саласы бойынша өткізіліп келеді. Биылғы байқау Кемел Тоқаевтың 100 жылдығына, Сәкен Иманасовтың 85 жылдығына, Шәкен Күмісбайұлының 80 жылдығына, Қайрат Әлімбековтың 60 жылдығына арналып, повесть жанры бойынша өтті.

⚜️Шара барысында Жетісу облысының мәдениет, архивтер және құжаттама басқармасының бөлім басшысы Гүлмира Мәлікқызы Қалқабаева, Жетісу телеарнасының директоры, жазушы Серік Әбікенұлы және «Janr» Жетісу әдеби клубының президенті Есболат Айдабосын жеңімпаздарды марапаттап құттықтады.

⚜️Байқау жеңімпазы ретінде 1-орынды Шаймерденова Самал Зікірияқызы, 2-орынды Жадыра Шамұратова, 3-орынды Қанат Әбілқайыр және Нұрбек Нұржан Нұржанұлы иеленді.

⚜️Сондай-ақ, Кемел Тоқаев атындағы арнайы жүлдесімен Әлихан Жақсылық , Сәкен Иманасов атындағы арнайы жүлдесімен Айзат Рақыш, RESPUBLICA партиясы тағайындаған Жұматай Жақыпбаев атындағы арнайы жүлдесімен Асхат Бақытұлы Өмірбаев, Қайрат Әлімбек атындағы арнайы жүлдесімен Жанель Бура, Заман Төлеуов атындағы арнайы жүлдесімен Сапарова Ақлима Исмаилқызы, Шәкен Күмісбайұлы атындағы арнайы жүлдесімен Зиядабек Нұрасыл марапатталды.

⚜️Жүлдегерлерді шын жүректен құттықтай отырып, шығармашылық табыстар тілейміз!💐💐💐

Скачать видео