Donai xoli labing... Alisher Navoiy g‘azali. Ilyos Arabov ("Diydor" teatr-studiyasi)

Донаи холи лабинг ... Алишер Навоий ғазали Илёс Арабов ("Дийдор" театр студияси) Бадиий раҳбар: Баҳодир Йўлдошев. Мусиқий раҳбар: Малика Зиёева. Ғазал матнини Абдукарим Мирзаев ўқиган. Ижодий жамоа: Илёс Арабов, Фарангиз Зиёева, Феруз Зикиров, Бобуржон Қаҳҳоров, Муродбек Матқурбонов, Воиджон Маҳмудов. / Donai xoli labing... Alisher Navoiy g‘azali. Ilyos Arabov ("Diydor" teatr-studiyasi)
Badiiy rahbar: Bahodir Yo‘ldoshev. Musiqiy rahbar: Malika Ziyoyeva. G‘azal matnini Abdukarim Mirzayev o‘qigan. Ijodiy jamoa: Ilyos Arabov, Farangiz Ziyoyeva, Feruz Zikirov, Boburjon Qahhorov, Murodbek Matqurbonov, Voidjon Mahmudov.

Алишер НАВОИЙ
ДОНАИ ХОЛИ ЛАБИНГ...

Донаи холи лабинг кўнглум қушин ром айламиш
Ким, ани тутқанда жоним риштасин дом айламиш

Анбарин хаттингғаким, андин келур бўйи вафо,
Жон фидо гарчи умидим субҳини шом айламиш.

Лабларингдин руҳпарвар нутқ зоҳирдур магар,
Руҳ қудси оби ҳайвои ичра ором айламиш.

Ҳумрат этмиш ошкор ул усруку хунхора кўз,
Қон ила мамзуж май гўёки ошом айламиш.

Сарву гулга боғ аро дерменки айлай жон фидо,
Токи жоним қасди бир сарви гуландом айламиш.

Чиқти, ваҳ, усрук яна ул кофири бебокким,
Ҳар қачон чиққонда қатли аҳли ислом айламиш.

Дайрни қилмиш кўзумга гулситон, эй муғбача,
Ул майи гулгунки рухсорингни гулфом айламиш.

Ком вақти тарки дунё айлаган топмиш ҳаёт,
Йўқса етканда ажал худкому ноком айламиш.

Қани расвое Навоийдек агарчи ани ишқ,
Некном элдиндурур деб, буйла бадном айламиш.

Alisher NAVOIY
DONAI XOLI LABING...

Donai xoli labing ko‘nglum qushin rom aylamish
Kim, ani tutqanda jonim rishtasin dom aylamish

Anbarin xattingg‘akim, andin kelur bo‘yi vafo,
Jon fido garchi umidim subhini shom aylamish.

Lablaringdin ruhparvar nutq zohirdur magar,
Ruh qudsi obi hayvoi ichra orom aylamish.

Humrat etmish oshkor ul usruku xunxora ko‘z,
Qon ila mamzuj may go‘yoki oshom aylamish.

Sarvu gulga bog‘ aro dermenki aylay jon fido,
Toki jonim qasdi bir sarvi gulandom aylamish.

Chiqti, vah, usruk yana ul kofiri bebokkim,
Har qachon chiqqonda qatli ahli islom aylamish.

Dayrni qilmish ko‘zumga gulsiton, ey mug‘bacha,
Ul mayi gulgunki ruxsoringni gulfom aylamish.

Kom vaqti tarki dunyo aylagan topmish hayot,
Yo‘qsa yetkanda ajal xudkomu nokom aylamish.

Qani rasvoye Navoiydek agarchi ani ishq,
Neknom eldindurur deb, buyla badnom aylamish.

Тэги:

#Алишер_Навоий_ғазали #Илёс_Арабов #Alisher_Navoiy #Ilyos_Arabov #Diydor #teatr-studiyasi #Дийдор #театр #студияси #Bahodir_Yo‘ldoshev._Musiqiy_rahbar:_Malika_Ziyoyeva._Ijodiy_jamoa:_Ilyos_Arabov #Abdukarim_Mirzayev #Farangiz_Ziyoyeva #Feruz_Zikirov #Boburjon_Qahhorov #Murodbek_Matqurbonov #Voidjon_Mahmudov.

Скачать видео