17 июля день памяти Святых Царственных мучеников.

Тропарь, глас 4:

Днесь, благове́рнии лю́дие, све́тло почти́м / седмери́цу честну́ю ца́рственных страстоте́рпец, / Христо́ву еди́ну дома́шнюю Це́рковь: / Никола́я и Алекса́ндру, / Алекси́я, О́льгу, Татиа́ну, Мари́ю и Анастаси́ю. / Ти́и бо, уз и страда́ний многоразли́чных не убоя́вшеся, / от богобо́рных смерть и поруга́ние теле́с прия́ша / и дерзнове́ние ко Го́споду в моли́тве улучи́ша. / Сего́ ра́ди к ним с любо́вию возопии́м: / о святи́и страстоте́рпцы, / гла́су покая́ния и стена́нию наро́да на́шего вонми́те, / зе́млю Росси́йскую в любви́ к Правосла́вию утверди́те, / от междоусо́бныя бра́ни сохрани́те, / мир ми́рови у Бо́га испроси́те // и душа́м на́шим ве́лию ми́лость.

Ин тропарь, глас 5:

Ца́рства земна́го лише́ние,/ у́зы и страда́ния многоразли́чныя/ кро́тко претерпе́л еси́,/ свиде́тельствовав о Христе́ да́же до сме́рти от богобо́рцев,/ страстоте́рпче вели́кий Боговенча́нный царю́ Нико́лае,/ сего́ ра́ди му́ченическим венце́м на Небесе́х,/ венча́ тя с цари́цею и ча́ды и слуги́ твои́ми Христо́с Бог,/ Его́же моли́ поми́ловати страну́ Росси́йскую// и спасти́ ду́ши на́ша.

Ин тропарь, глас 7:

А́нгели земли́ Росси́йския,/ и воскресе́ния ея́ путеводи́телие,/ Царю́ Никола́е и Цари́це Алекса́ндро,/ нача́вшемуся богоотступле́нию,/ Держа́вою благове́рне пра́вившии,/ и ю́ныя Вели́кия Княжны́,/ в труде́х и милосе́рдии до́бре подвиза́вшияся,/ и Царе́вичу страда́льче Алекси́е,/ Ца́рственнии страстоте́рпцы,/ я́ко а́гнцы незло́бивии,/ от безбо́жных губи́телей Руси́/ му́чимии и закла́ннии,/ ны́не же ца́рство ве́чное прии́мшии,/ моли́теся Небе́сному Царю́ царе́й/ о Держа́ве сро́дников ва́ших,/ просвети́тися ей ве́рою отце́в// и покая́нием па́ки возроди́тися.

Кондак, глас 8:

Избра́ннии Царе́м ца́рствующих и Го́сподем госпо́дствующих / от ро́да царе́й Росси́йских, / благове́рнии му́ченицы, / му́ки душе́вныя и смерть теле́сную за Христа́ прии́мшии / и венцы́ Небе́сными увенча́вшиися, / к вам, я́ко покрови́телем на́шим ми́лостивым, / с любо́вию благода́рне вопие́м: / ра́дуйтеся, ца́рственнии страстоте́рпцы, // за Русь Святу́ю пред Бо́гом усе́рднии моли́твенницы.

Господи иисусе ХРИСТЕ сыне божий помилуй прости нас с ВЕРОЮ НАДЕЖДОЮ любовью

Хорошо сделано это памятное видео! За несколько кратких минут - полтораста лет жизни страны и жизнь семьи последнего российского императора! Святые Царственные стастотерпцы, молите Бога о нас!

Молите Бога о нас грешных