Ашаршылық жылдары бір қап бидайға айырбасталып кеткен әжейдің ұрпақтары туыстарын іздестіруде

Атыраулық Ерлан Күмісқалиев ашаршылық жылдары бір қап бидайға сатылып келген әжесінің туыстарын іздейді. Зұлмат заман, яғни сонау 1916-1917 жылдары аш отырған отбасы ауылдың үстінен өткен саудагерлерге ұлын аман алып қалу үшін 10 жасар қызын астыққа айырбастап жіберіпті. Өрімдей қыз өзге ауылда өсіп-өнеді. Өңірге жыршылық өнерімен танылады. Бірақ өмірден өткенше бауырымен қауышуды аңсапты. Атыраулық азаматтың мақсаты осы әжесінің аманатын орындау.
Атыраулық Ерлан Күмісқалиев «ата-анамның аманатын арқалап жүрмін. Бұл үлкен жүк» дейді. Оқиға 1916-17 жылдардан бастау алады. Сол заманда сауда - саттықпен айналысатын аталары Маңғыстау арқылы Бесқалаға бет алған жолда бір әйел адамды кездестіреді. Оның жанында 14-15 жас шамасында ұлы мен 10-11 жастағы қызы болған. Ас-сусыз отырған әйел жағдайының қиындығын айтып, ұлын аман алып қалу үшін қызын бір қап бидайға айырбастап, жолаушыларға жетектетіп жіберген.
ЕРЛАН КҮМІСҚАЛИЕВ, тұрғын:
– Сол бір балаға жақсы көзбен қарап, ересек жасқа жетіп, тұрмыс құруға келгенде біздің бір атамызға атастырып, екінші әйел етіп береді екен. Қазына анамыз да қарсылық білдірмейді менің Қүмісқали деген атама екінші әйел болады. Менің әкемді бауырына басады.
Алайда ана өмірден өткенше ауылын, бауырын аңсаумен өтіпті. Бірақ өзін астыққа айырбастаған анасын бірде-бір рет жазғырып көрмепті. Тіпті, әкесінің де, бауырының да аты-жөнін жадында ұстаған дейді Ерлан Күмісқалиев.
ЕРЛАН КҮМІСҚАЛИЕВ, тұрғын:
– Бізге жеткен мәлімет әкесінің аты Әлібай, ағасының аты Әділхан. Руы Адай, Жеменей деп бізге айтып кеткен. Сол 11-12 жастағы қыз баланың есінде қалғаны болса керек. Сосын ауылы Жібек жолы бойындағы ауылдардың бірінде. Анамыздың соңғы арманы ғой. Әкеміз анамның арманын орындай алмадым деп қиналып кетті.
Ерлан Күмісқалиев жуықта Маңғыстау облысына да барып қайтқан. Адайдың Жеменейінен тараған ұрпақтар ұлы нағашыларын іздеуге көп көмектесіп жатқанын айтады. Ерлан "Бар мақсатымыз «бір қап бидайға айырбасталған әжеміздің бақытты өмірін бауырларына баяндап берсек» дейді.
Жанат Молдашова, Фархат Тәжібаев







Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Тэги:

#Информбюро #31_канал_информбюро #новости_информбюро #информбюро_жаналыктар #главные_новости_страны #новости_казахстана #жаңалықтар #zhanalyktar #жаналыктар #басты_жаңалықтар #кешкі_жаңалықтар #информбюро_қазақша #кешегі_жаңалықтар #ерқанат_көпжасар #аида_боранбай #наталья_раим #информбюро_орысша #вечерние_новости

Скачать видео